DIY驅蚊方法3大推介 天然有效防蚊防蠓！夏天唔怕畀蚊咬

DIY驅蚊方法3大推介 天然有效防蚊防蠓！夏天唔怕畀蚊咬

1. 自製防蚊裝備驅蚊中藥包

自製防蚊裝備驅蚊中藥包，放於室內可以防蚊、防蠓，助你免受蚊蟲騷擾，一覺瞓天光！將8款藥材混合均勻裝於布包，即成驅蚊中藥包。有指藥材嘅氣味有助驅趕蚊蠓，而且成分天然。不過唔係每個人都啱用中藥驅蚊，如果本身有鼻敏感或者呼吸道疾病，就要事先問清楚中醫了。這款中藥防蚊包使用的中藥材包括：丁香、艾葉、白芷、蘇葉、薄荷、石菖蒲、藿香及金銀花。

2. 香茅油

雖然生產商都表明驅蚊產品內嘅DEET含量符合安全標準，但化學物品始終有可能損害人體健康。如果想完全取代化學物品，不妨利用天然植物或者精油作為驅蚊方法。香茅因有檸檬香氣，故又被稱為檸檬草，有人覺得陣味攻鼻亦有人覺得氣味清新。

鍾意香茅氣味的話，可利用香茅驅蚊，亦可以利用精油。不過，由於天然的精華油較易揮發，所以隔一段時間，當氣味變淡後就要重複噴灑。此外，蚊蟲都好討厭大蒜、大豆油、黑胡椒、薰衣草油、尤加利樹葉、薄荷葉，大家不防自己DIY自製蚊怕水。

3. 橙皮驅蚊包

橙皮嘅香味令人提神同舒暢，但卻係蚊最討厭嘅氣味。將橙皮切絲曬乾，包喺布袋內，即成天然驅蚊包。將佢掛在門邊或窗旁，便可達到驅趕蚊蟲之效。另外，亦可以將曬乾後嘅橙皮放喺鋁罐內點燃，都能夠驅趕蚊蟲，既方便又環保，不過要記得在安全情況下才燃點吧！